Lúmsk markaðssetning

Það er nú alveg merkilegt að fólk skuli hneykslast yfir þessu máli þegar ljóst er að bæði fyrirtæki hagnast af þessum nafnastuldarkenningum.  Í fyrsta lagi þá fá bæði fyrirtæki frítt auglýsingapláss í formi frétta og skoðanaskipta(og sannast það hér með bloggi mínu).  Í öðru lagi náði Björn Þorláksson, fréttafrömuður Norðurlands, að skjóta því inn í viðtali í Fréttablaðinu, að N4 væri á næstunni að hefja sjónvarpsútsendingar á landsvísu.

Til samanburðar þarf ekki að leita lengra en til Coke Zero auglýsinganna (Hversu margir dálksentimetrar hafa farið í það mál?) og byggist á markaðsfræðikenningu sem hljóðar einhvern veginn þannig: "Öll umfjöllun er góð umfjöllun, jákvæð sem og neikvæð."  Svipuð umræða kom upp seinasta sumar, þegar aukið hlutfall auglýsinga fór að innihalda stafsetningarvillur(sbr. Ikea-auglýsingu), þó að sú umræða hafi ekki farið mjög hátt.

Besta leiðin til að láta í ljós neikvæða skoðun í garð markaðsfræðinnar er að fjalla einfaldlega ekkert um hana og hugsa ekkert um hana. 

Og þar með vitið þið mína skoðun á markaðsfræðinni.    

N4 kannar réttarstöðu sína vegna nafns og firmamerkis N1