Afleiðingafærsla

Þú dyggi lesandi, verður að afsaka hversu langt er síðan ég geipaði seinast.  En ef maður pælir aðeins í því þá er ósköp lítið sem þarf að afsaka.  Það er nefnilega þannig að ég hef ekki fundið mig knúinn til að tjá mig á nokkurn hátt alla síðustu viku.  Í öðrum orðum, þá hefur mig ekki langað að segja þér neitt síðustu 7 daga.  Hefði ég hinsvegar bundið sjálfan mig við skrifborðsstólinn og kreist eitthvað misgáfulegt upp úr mér þá hefði ég verið að eyða tíma þínum, lesandi góður í einhverja endaþarmsskotna vitleysu sem hefði ekki skilið neitt eftir sig nema skítafýlu sem varir í nokkrar sekúndur.

Ég hef þannig sagt þér núna, í lengra máli, að maður ætti ekki blogga nema þá að maður finni sig knúinn til tjáningar.

Annars fyrirgef ég öllum þeim stjórnmálamönnum sem eru þessa dagana í kosningabaráttu.  Þeir mega skíta yfir hvorn annan eins mikið og þeir vilja.